Tækifæri í fasteignum og innviðum

Hafnsækin starfsemi

Ísafjarðarhöfn

Nýtt skipulag: Suðurtangi (22ha) verður miðpunktur hafnsækinnar starfsemi, með blönduðum stærðum af lóðum. Skipulaginu er ætlað að stuðla að vexti iðngreina, nýsköpunar, og útflutnings og hvetja til samstarfs milli fyrirtækja og menntastofnana.
Sögulegt samhengi: Suðurtangi er uppbyggingarsvæði Ísafjarðarhafnar og syðsti hluti eyrarinnar á Ísafirði, heimkynni eins elsta samfellda verslunarsvæðis Íslands.
Mikilvæg höfn: Ísafjarðarhöfn er vel staðsett höfn með tilliti til fiskimiða og útflutnings.
Alþjóðleg tenging: Hafnarsvæðið nær yfir 40 hektara með yfir 1.100 metrum af bryggjuköntum fyrir allar tegundir skipa. Á hafnarsvæðinu er að finna nauðsynlega þjónustu tengda hafnsækinni starfsemi, allt frá matvæla- og iðnaðarframleiðslu til rannsókna, líftækni og sértækra þjónustu.
Núverandi þjónusta: Ísafjarðarhöfn þjónustar nú þegar útgerð, flutningaþjónustu, skemmtiferðaskip, skútur og smábáta.

Ferðaþjónusta

Verkefnið: Hvítisandur er þróunarverkefni fyrir byggingu umhverfisvænna sjóbaða og veitingastaðar á skeljaströnd Önundarfjarðar.
Hönnun með náttúruna í huga: Hönnun Sen&Son arkitekta er ætlað að falla að landslaginu, eftirmynda melgresisöldur á ljósri skeljasandsströnd, með hönnun og efnisval í anda einstakrar náttúru Vestfjarða.
Tækni: EFLA verkfræðistofa hefur hannað lausn sem nýtir varmaorku úr sjó og vatnsafl til að hita stóra laug, heita potta, gufuböð og sturtur.
Gestafjöldi: Áætlað er að sjóböðin rúmi 160 gesti í einu og veitingastaðurinn bjóði upp á sæti fyrir 50 manns. Sjóböðin verða opin frá maí til september.
Heildarkostnaður: Áætlaður heildarkostnaður verkefnisins er 1,5 milljarðar króna. Leigutaki og framkvæmdaaðili er einkahlutafélagið Blævængur ehf.

Ferðaþjónusta

Þjónustuhús: Sjóminjasafnið Ósvör er vinsæll ferðamannastaður á norðanverðum Vestfjörðum sem tekur á móti rúmlega 20.000 gestum á hverju sumri. Unnið er að því að reisa þjónustuhús sem mun bæta aðstöðuna fyrir safnið.
Húsið og verkefnið
- Áætlað er að húsið sé 200 fermetrar og er hannað fyrir 80 manna hópa.
- Sýningarrými verður í húsinu, eldhús fyrir viðburði, salernisaðstaða og aðstaða fyrir starfsfólk.
- Í verkefninu felast einnig endurbætur á aðkomu, stígum og bílastæðum.
Aðgengi & Hönnun: Áhersla á aðgengi fyrir alla, með sléttum göngustígum og sérstökum bílastæðum tryggir umhverfi sem býður gesti velkomna.

Ferðaþjónusta

4 Stjörnu lífsstílshótel: Ætlað ævintýraþyrstum erlendum ferðamönnum og Íslendingum sem vilja vera virkir eða leita hvíldar og endurnæringar.
Hönnunarhugsjón: Hönnun hótelsins endurspeglar anda Strandabyggðar, með vísun í sögulegan menningararf svæðisins er varðar þjóðtrú og galdra.
Þjónusta: Fyrirhugaðar 62 herbergi auk veitingastaðar og bars, þjónusta ekki aðeins fyrir hótelgesti heldur einnig samfélagið í heild sinni.
Umhverfisvæn bygging: Áhersla á umhverfisvæna byggingu með sérstöku tilliti til orkunýtingar, efnisvals og kolefnisspors.
Atvinnumál: Áætluð eru 20-30 stöðugildi.

Ferðaþjónusta

Söguleg Endurbygging: 48 herbergja hótel með veisluaðstöðu fyrir 80-100 manns, eldhúsi og bar.
Sögulegar Byggingar: Verkefnið felur í sér:
- Bullshúsið, endurreist á Bíldudal 1900, upphaflega frá norsku hvalveiðistöð við Ísafjarðardjúp.
- Verslunar- og íbúðarhús Péturs Thorsteinssonar frá 1884.
- Verslunarhús Maron hf., reist af athafnamanninum og alþingismanninum Gísla Jónssyni 1948
Nýr Miðbær: Byggingarnar munu tengjast fyrirhugaðri trébryggju við höfnina og mynda nýjan miðbæ með öðrum gömlum húsum.

Ferðaþjónusta

Umhverfisvæn sjóböð: Náttúruleg sjávarböð á Reykhólum, í aðeins 2,5 klukkustunda fjarlægð frá höfuðborgarsvæðinu.
Hönnun: Hönnun sem fellur vel að landslaginu. Stórbrotið útsýni yfir Breiðafjörðin.
Aðstaða:
- Hótel: 2.000 m², með möguleika á stækkun.
- Laug: 1.300 m² þjónustubygging, 2.500 m² laugarsvæði skipt í 8 svæði, með grunnhitastig 38°C.

Ferðaþjónusta og hafnsækin starfsemi

Þróunarmöguleikar: Möguleikar í Tálknafirði felast í þjónustu við fiskeldi, aukinni ferðaþjónustu og hafnsækinni starfsemi, ásamt áætlun um stækkun hafnarsvæðis.
Nýtt skipulag: Nýtt skipulag gerir ráð fyrir hóteli á 1.500 m² grunnfleti, hannað til að mæta þörfum fjárfesta.
Aðkoma að hafnarsvæði og stækkun: Áætlanir um stærra hafnarsvæði kallar á landfyllingu sem skapar einnig nýjar lóðir fyrir atvinnuhúsnæði.