Bláa hagkerfið og Vestfirðir

Bláa hagkerfi Vestfjarða

Virðisaukning og sjálfbærni

Bláa hagkerfið er raunhagkerfi Vestfjarða og leggur grunn að vexti svæðisins. Það samanstendur af:

Fiskveiðum sem eru og verða grunnstoð atvinnulífs á Vestfjörðum vegna nálægðar við gjöful fiskimið.
Lagareldi sem er einn stærsti vaxtabroddur í atvinnulífi Vestfjarða og á inni umtalsverðan vöxt til framtíðar sem og virðisaukandi nýsköpun.
Ferðaþjónustu sem hefur vaxið fiskur um hrygg undanfarin ár. Bættir innviðir ýta undir frekari vöxt í greininni.
Líftækni sem felur í sér tækifæri útfrá aukaafurðum sjávarfangs. Á Vestfjörðum er unnið brautryðjendastarf í líftækni í sjávarútvegi.

Sjávarútvegur

Sjávarútvegur hefur verið grunnstoð atvinnulífs Vestfirðinga um aldir og mikil þekking á greininni er innan samfélaganna.
Sjávarútvegsfyrirtæki á Vestfjörðum eru tæknilega á heimsmælikvarða og í stöðugri framþróun.
Tækni og þekking er til staðar til að halda í við hraða þróun í vinnsluaðferðum, markaðssetningu og umhverfisáhrifum.
Rannsóknir er hægt að stunda í samstarfi við háskóla til að ýta undir nýsköpun og þróun í greinninni og auka fullnýtingu hráefnis.

Fiskeldi

Mikill vöxtur er í fiskeldi á Vestfjörðum. Fjárfestingatækifæri liggja í þjónustu og framleiðslu sem styður við starfsemina.

Núverandi framleiðsla á svæðinu er um 25-30 þúsund
Framleiðsla gæti farið í 53 þúsund tonn á næstu árum á grundvelli burðarþolsmats og áhættugreiningar erfðablöndunar.
Þróun sjálfvirknivæðingar og orkuskipta í greininni er hröð sem skapar ný fjárfestingatækifæri.
Á Vestfjörðum eru staðir með kjöraðstæður fyrir landeldi og Húnaflói er opinn fyrir eldi á öðrum fisktegundum en laxfiskum.

Líftækni

Verðmætaaukning með hugviti: Rannsóknir og þróun á sviði vísinda hafa aukið skilning okkar á möguleikum sjávarfangs. Mikil verðmæti liggja í affalli frá flakavinnslu sem nýst getur sem fæði, fóður, fæðubótarefni og verðmætar lækningavörur.
Þekking á Vestfjörðum: Á Vestfjörðum er til staðar verðmæt þekking á hliðarvinnslu fiskvinnslu. Öruggt aðgengi að fersku hráefni og framsýnn sjávarútvegur skapar áframhaldandi skilyrði til þróunar og vaxtar.
Fyrirtæki á Vestfjörðum tilbúin fyrir meira: Fyrirtæki á Vestfjörðum eru tilbúin til frekari þróunar á sviði líftækni. Með eflingu þekkingarsamfélagsins á svæðinu og stuðningi þess við fyrirtækin skapast ný tækifæri.

Strandbúnaður

Mikil tækifæri liggja í Vestfjörðum í ræktun á skel og þörungum.

Strandbúnaður: Er ræktun á skelfisk og þörungum á grunnsævi við landið. Með ræktun í sjó er ekki verið að fóðra lífverur heldur eru búin til vaxtaskilyrði fyrir skel og þörunga til að taka upp næringu úr sjónum. Slík ræktun getur stutt við umtalsverða framleiðslu á lífmassa, sem nemur mörgum þúsundum tonna. Vestfirðir bjóða upp á einstakt svæði fyrir þróun og vöxt í þörunga- og skelrækt.
Ræktun í sjó er óháð veðurfari